आपला मान ,आपला आत्मसन्मान ........भारतीय संविधान

     

            २६ नोव्हेंबर रोजी भारतभर 'संविधान दिन 'साजरा केला जातो. २९ ऑगस्ट १९४७ रोजी डॉ. बाबासाहेब आंबेडकर यांच्या नेतृत्वाखाली भारताच्या राज्यघटनेच्या निर्मितीसाठी मसूदा समिती स्थापन झाली. अनेक बैठका व चर्चासत्रांनंतर या समितीने सादर केलेला अंतिम मसुदा २६ नोव्हेंबर १९४९ रोजी संविधान समितीने स्वीकारला होता. भारताची राज्यघटना  २६ नोव्हेंबरला तयार झाली असली तरी ही घटना २६ जानेवारी १९५०  रोजी भारतीय जनतेला अर्पण करण्यात आली . लाहोर येथे झालेल्या काँग्रेस च्या अधिवेशनात संपूर्ण स्वराज्याची मागणी पहिल्यांदा करण्यात आली आणि २६ जानेवारी हा दिवस स्वातंत्र्य दिन म्हणून प्रतिकात्मक स्वरूपात साजरा केला जाईल असा ठराव झाला होता. पण आपल्याला प्रत्यक्षात स्वातंत्र्य मिळाले ते  १५ ऑगस्टला, त्यामुळे इतिहासातील या दिवसाचे महत्व अबाधित ठेवण्याच्या दृष्टीने २६ नोव्हेंबर ला घटना तयार होऊन ही ती  २६ जानेवारी ला जनतेस अर्पण करण्यात आली आणि हा दिवस प्रजासत्ताक दिन म्हणून साजरा करण्याचे ठरले.तर ज्या दिवशी संविधान सभेने संविधानाला मान्यता दिली तो दिवस म्हणजे २६ नोव्हेंबर हा 'संविधानदिन 'म्हणून साजरा केला जातो.