"मराठी राजभाषा दिन" व "राष्ट्रीय विज्ञान दिवस "

 

       २८ फेब्रुवारी १९२८ मध्ये भारतीय भौतिकशास्त्रज्ञ सर सी.व्ही.रमण यांनी रमन परिणामांचा शोध लावला तेव्हापासून २८ फेब्रुवारी हा दिवस भारतामध्ये राष्ट्रीय विज्ञान दिवस म्हणून साजरा केला जातो.

भारतात शास्त्रीय ,शैक्षणिक, वैद्यकीय, तांत्रिक, संशोधन आणि सर्व महाविद्यालये, विद्यापीठे, शैक्षणिक संस्था, शास्त्रज्ञ, संशोधक हा दिवस खूप उत्साहाने साजरा करतात .

      सोमवार दि.२८ फेब्रुवारी २०२२ रोजी आमच्या शाळेत इयत्ता ३री ते ७ वी च्या विद्यार्थ्यांसाठी प्रयोग साहित्याची ओळख व परिचय त्याचप्रमाणे विविध प्रयोग करण्याची संधी राष्ट्रीय विज्ञान दिनाचे महत्त्व लक्षात घेऊन देण्यात आली .त्याचप्रमाणे इयत्ता ७ वीच्या विद्यार्थ्यांसाठी विविध विज्ञानविषयक माहितीचे कात्रण संग्रह स्पर्धेचे आयोजन करण्यात आले होते .विज्ञान विषयात रुची निर्माण व्हावी व विद्यार्थ्यांनी वैज्ञानिक दृष्टिकोन जोपासावा या दृष्टीने संपूर्ण उपक्रमाचे नियोजन करण्यात आले होते.शाळा समिती सदस्या सौ.भिरुड मॅडम ह्या सदर प्रसंगी उपस्थित होत्या.मुख्याध्यापिका श्रीमती सुनंदा बेडसे यांच्या मार्गदर्शनातून संपूर्ण कार्यक्रम यशस्वीपणे पार पडला.